لازم انساك

لازم انساك وابعد عن هواك
تعب قلبي معاك وكان نفسة ينول رضاك
اعملك اية اكتر من كدة
حب وحنية ولا شفت منك رضا
كنت حاسة ان بينا حاجة جميلة
بس دلوقتي عرفت ان حكايتنا هتكون طويلة
اول مرة اغلط في قرار
حبيتك ومشفتش منك غير المرار
جرحتني ومكنش قدامي غير اني اختار
واديني اخترت الفراق
عارفة نفسي مش هقدر علية
وعمري ماكنت اتوقع اني افكر فية
لكن جرحك قواني وغدرك بيا قساني
صبرت كتير على قلبك
بس خلاص تعبت من اللي جرالي

حسيت بعذاب الحرمان وصعوبة النسيان
حبي ليك فاق الحدود
كان نفسي اكمل معاك لحد مااموت
بس انت ضيعت كل حاجة مننا
شفت في عينيك نظرة استسلام
نظرة خليتني معرفش انام
استسلمت يا حبيبي لفراقنا ورضيت بية
دة انا كنت مستنياك تقولي
دة قرار لازم ترجعي فية
انا لية حبيتك كل الحب دة
ولية انت عملت في قلبي كل دة
ايامي معاك عدت خلاص وانا بعتها
بس يارب اعرف اعيش ايام تاني بعدها
سنيني معاك كانت كلها عذاب وخسرتها
لية محافظتش على قلبي وغرامي
لية محستش بوجعي والامي
ازاي هنت عليك وهانت عليك ايامي
يبقى انت لازم تهون عليا
ويهون عليا حضنك
وانسى اني يوم كنت ليك
واتعود اعيش من غير عينيك
وانسى اني في يوم حبيتك
واحاول تاني مفكرش فيك
كنت فاكرة ان الفراق هيكون كلمة صعبة عليك
بس انت طلعت مستني اني اقولها ليك
خلاص يا قلبي فراقنا بقى بايديك
هبعد عنك ولا تاني هتشوفني عينيك
ارتاح يا حبيبي مني ومن غرامي
وشوفلك حد تاني
يعيش معاك ويعوضك عن ايامي





منقوله